DJ-i me famë ndërkombëtare Hugel ndez atmosferën me këngën e Taynës “Si Ai” Hugel, DJ dhe producent francez i njohur për stilin e tij energjik dhe ritmet latine, ndezi atmosferën gjatë performancës së tij në Tiranë, ku përfshiu në setin e tij edhe hitin e artistes kosovare Tayna, “Si Ai”.
Karrierën si DJ e nisi që në moshën 16-vjeçare, ndërsa famën ndërkombëtare e arriti pas vitit 2018, kur remiksi i tij i këngës “Bella Ciao” u bë një nga hitet më të mëdha të verës në Gjermani, Austri dhe Zvicër, duke arritur sukses të jashtëzakonshëm dhe statusin e platinës në këto vende.
Përfshirja e këngës “Si Ai” në setin e tij është një tjetër dëshmi e ndikimit ndërkombëtar të muzikës shqiptare. Me një stil urban, ndikime nga trap dhe pop, dhe një tekst të fuqishëm, kënga u shndërrua në një hit viral që kaloi kufijtë shqiptarë, duke dominuar në platforma si TikTok dhe Spotify.
Tayna konfirmon sërish potencialin e saj global, duke sjellë muzikë që flet gjuhën e vetëbesimit dhe origjinalitetit. Ajo mbetet një nga zërat më të veçantë në skenën moderne të muzikës shqiptare, me një prani që po tërheq gjithnjë e më shumë vëmendjen ndërkombëtare.
DJ-i me famë ndërkombëtare Hugel ndez atmosferën me këngën e Taynës “Si Ai” / shkruan Gazeta Online Reporteri.net.
