Qeveria e Maqedonisë së Veriut njofton se sot zyrtarisht do të lëshohet në përdorim rruga magjistrale Ohër – Shën Naum me një gjatësi prej 24,3 kilometrash.
“Vlera e projektit për rikonstruksionin e kësaj rruge ishte 11.7 milionë euro.
Kjo do të thotë se pas gati 4 dekadash, jo vetëm banorët e Ohrit, por edhe një numër i madh qytetarësh nga i gjithë shteti, si dhe turistë, do të mund të udhëtojnë nga Ohri deri te kompleksi manastiror i Shën Naumit, por edhe deri në Republikën fqinje të Shqipërisë, në aks rrugor të ri.
Këto projekte kapitale nuk e përmirësojnë vetëm turizmin, por edhe përparimin dhe zhvillimin ekonomik të Maqedonisë.
Qeveria punon dhe krijon vepra për prosperitetin e Maqedonisë”, thuhet në njoftimin e Qeverisë.
Sot do të lëshohet në përdorim rruga magjistrale Ohër – Shën Naum, vlera e projektit është 11.7 milionë euro appeared first on Telegrafi.
