Sasho Klekovski, drejtor i Fondit të Sigurimeve Shëndetësore, në konferencën e sotme për shtyp të qeverisë foli rreth gjendjes së të lënduarve në zjarrin në diskoteken e Koçanit.
“Nga 200 të lënduarit në aksident, 187 ishin të regjistruar për trajtim spitalor. Nga këta, 116 u trajtuan jashtë vendit, dhe 71 në vend. Fatkeqësisht, pati 59 vdekje dhe tre vdiqën në spitale jashtë vendit”, tha Klekovski.
Ai theksoi se tani, 12 nga të lënduarit po marrin trajtim spitalor, shtatë prej të cilëve janë jashtë vendit dhe pesë janë brenda vendit. Njëri prej tyre është në gjendje të rëndë.
“Kemi 38 të lënduar që marrin fasha dhe trajtime të ngjashme, katër në ‘8 Shtator’, 26 janë në ‘Shën Naum i Ohrit’. Pesë janë në Koçan dhe tre janë në Sistina. 46 persona po i nënshtrohen terapisë fizike, të gjithë janë në Koçan, është e mundur që një person të jetë në ‘8 Shtator’. Trajtimi me PRT (plazmë me ose pa trombocite) po kryhet tek 16 të lënduar dhe është një trajtim superior për zvogëlimin e shenjave nga djegiet. I bëj thirrje të gjithë të lënduarve që kanë dilemë, frikë, të kontaktojnë ‘Shën Naum i Ohrit’ ose Klinikën për Kirurgji Plastike – tha drejtori i HZOM, Sasho Klekovski.
Ai tha se një pacient me djegie të rënda pati një përmirësim të ndjeshëm në gjendjen e tij pas një muaji trajtimi me plazmë./Telegrafi/
Klekovski: 12 nga të lënduarit në diskotekën “Pulse” ende po marrin trajtim spitalor appeared first on Telegrafi.