Pesëdhjetë për qind e tarifave do të harmonizohen me Tarifën doganore evropiane duke filluar nga 1 korriku i këtij viti, ndërsa 50 për qind e mbetura nga 1 janari i vitit të ardhshëm. Kjo do t’u japë mundësi prodhuesve të rrisin prodhimin e tyre, të kenë eksporte më të mëdha dhe të ardhura më të mëdha për kompanitë, informoi sot kryeministri Hristijan Mickoski, duke u përgjigjur pyetjeve të gazetarëve se çfarë parashikojnë ndryshimet e reja në Ligjin për dogana.
Ky është një problem tjetër akut që kishte biznesi, theksoi Miskoski, duke shtuar se e gjithë kjo po bëhet se bashku me odat ekonomike dhe Lidhjen e investitorëve të huaj në vend.
“Edhe një tjetër trashëgimi e vështirë nga e kaluara, ato janë pjesë e atyre detyrimeve parafiskale që e vështirësuan punën si për prodhuesit e huaj ashtu edhe për ata vendas, sepse tarifa për lëndët e para nuk ishte në përputhje me Tarifën doganore evropiane, dhe ne po e bëjmë këtë përmes kësaj zgjidhjeje ligjore, tha sot kryeministri Mickoski pasi vizitoi repartin e rindërtuar për kontrolle sistematike në Institutin e Shëndetit Publik.
Mickoski përmendi se gjithashtu me këto ndryshimet do të harmonizojnë edhe tarifën doganore për të ashtuquajturit akumulatorë të energjisë elektrike ose rezervuarë për ruajtjen e energjisë elektrike të prodhuar, nga 15 për qind që është aktualisht në 2,5 ose 2,7 për qind, gjë që, siç tha ai, do ta lehtësojë ndjeshëm instalimin e pajisjeve të tilla.
Pesëdhjetë për qind e tarifave do të harmonizohen me Tarifën doganore evropiane duke filluar nga 1 korriku appeared first on Telegrafi.