Nën ndikimin e një aktiviteti ciklonik me qendër mbi detin Jon, gjatë fundjavës (e shtunë dhe e diel më 24/25 maj), moti në Republikën tonë të Maqedonisë do të jetë kryesisht i vranët me reshje shiu që herë pas here do të jenë të dendura dhe me rrebeshe, të shoqëruara lokalisht edhe me bubullima. Lokalisht këto procese mund të shfaqen edhe në formë stuhie.
Në disa zona do të bie një sasi e konsiderueshme reshjesh (mbi 30 litra për metër katror).
Edhe në Shkup dhe rrethinë, fundjava do të jetë me reshje. Herë pas here, reshjet do të jenë të dendura dhe me rrebeshe.
Në të njëjtën kohë, nga veriu dhe verilindja do të zbresë një masë ndjeshëm më e ftohtë ajri, e cila do t’i ulë ndjeshëm temperaturat e ajrit, dhe ato do të jenë dukshëm nën mesataren për këtë periudhë të vitit. Për shkak të rënies së temperaturave, nuk përjashtohet mundësia që në malet e larta (mbi 2000 metra lartësi mbidetare) të kemi edhe reshje të dobëta bore.
Rënia më e madhe e temperaturave dhe mot dukshëm më i ftohtë do të kemi veçanërisht të dielën (25 maj), kur temperaturat gjatë ditës do të lëvizin vetëm nga 10 deri në 18 gradë. Depërtimi i ajrit shumë më të ftohtë nga veriu dhe verilindja këtë fundjavë do të shoqërohet edhe me erëra të përforcuara me drejtim verior.
Fundjava me mot të ligë, priten reshje të shiut dhe stuhi lokale appeared first on Telegrafi.
