Njëri nga liderët e VLEN-it, Bilal Kasami deklaroi se në qeveri po diskutohet se çfarë kombinimesh duhen bërë në lidhje me pozicionet ministrore që do të lirohen nga largimi i ASH-së dhe Arben Taravarit në opozitë. Taravari, i cili është Ministër i Shëndetësisë, njoftoi mbrëmë se përfundimisht ai dhe partia e tij largohen nga qeveria dhe do kalojnë në opozitë.
Kasami në një intervistë për “360 Gradë” tha se nuk e përjashton mundësinë që “VLEN” t’ia “jep” Ministrinë e Shëndetësisë OBRM-PDUKM-së, dhe në këmbim të marrë një ministri tjetër. Jozyrtarisht, sipas “360 Gradë”, po shqyrtohet mundësia që sektori i arsimit të kalojë në koalicionin “VLEN”, ndërsa shëndetësia t’i jepet OBRM-PDUKM-së.
“Ne negociuam me Kryeministrin, pra me kryetarin e OBRM-PDUKM-së, si VLEN dhe marrëveshja është midis VLEN-it dhe OBRM-PDUKM-së për të formuar Qeverinë. Në takimet e fundit me Kryeministrin, është konfirmuar edhe një herë se ne mbetemi të përkushtuar ndaj të njëjtave angazhime. Pra, marrëveshja mbetet midis OBRM-PDUKM-së dhe VLEN-it dhe pozicionet e VLEN-it mbeten të sigurta”, tha Kasami.
Kur u pyet nëse ky është një njoftim për një ristrukturim të qeverisë, Kasami tha se është e mundur, por jo në një shkallë më të gjerë.
Kasami: Është e mundur që MSH t’i jepet OBRM-PDUKM-së, dhe VLEN të merr ndonjë resor tjetër appeared first on Telegrafi.
