Çmimet e banesave në tremujorin e parë të këtij viti janë rritur për 7,2 për qind në nivel tremujor, ndërsa për 19,4 për qind në vit në nivel vjetor, sipas Indeksit të çmimeve të banesave të Bankës Popullore.
Në tremujorin e parë të vitit të kaluar, çmimet e banesave shënuan një rritje vjetore prej 4,7 për qind dhe një rënie tremujore prej 0,8 për qind, që ishte rënia e parë minimale tremujore pas një periudhë të gjatë që nga rënia e fundit prej një për qind në tremujorin e tretë të vitit 2020. Në tremujorin e dytë të vitit 2024, çmimet e banesave shënuan rritje prej 11,5 për qind në nivel vjetor dhe prej 8,2 për qind në nivel tremujor.
Në tremujorin e tretë të vitit të kaluar rritja vjetore ishte tetë për qind, ndërsa tremujore kishte një rënie prej 0,3 për qind, pas së cilës sërish vijoi rritje në tremujorin e katërt në nivel tremujor prej 3,3 për qind dhe në nivel vjetor prej 10,6 për qind.
Indeksi i çmimeve të banesave është përgatitur nga BPRMV, bazuar në të dhënat që kanë të bëjnë me banesat e shpallura për shitje në territorin e qytetit të Shkupit.
Banesat në Shkup në tremujorin e parë janë shtrenjtuar për 19,4 për qind në nivel vjetor, në tremujor për 7,2 për qind appeared first on Telegrafi.
