Dy shtete kanë ofruar që të sigurojnë terapi “më serioze dhe më afatgjatë” për pacientët nga zjarri në Koçan, njoftoi ministri i Shëndetësisë Arben Taravari në konferencën e sotme për shtyp, duke u përgjigjur në pyetjen e gazetarëve.
“Dy qendrat ku po punojmë të jetë rehabilitimi i pacientëve janë: njëra është Qendra Kovid në SPQ “8 Shtatori” dhe e dyta do të jetë Instituti për Rehabilitim dhe Mjekësi Fizikale në Kozle. Ato do të jenë dy qendra kryesore. Të shpresojmë se do të ketë më pak pacientë që do të kenë nevojë për rehabilitim afatgjatë. Për ata që do të kenë nevojë për një zgjidhje më serioze dhe më afatgjatë, tashmë kemi oferta nga dy shtete”, tha Taravari.
Nëse ka raste shumë të rënda, siç theksoi ministri, “një nga mundësitë është dërgimi i tyre në vendet e huaja pa paguar Fondi apo Ministria e Shëndetësisë”.
Paraprakisht sot nga Ministria e Shëndetësisë informuan se kanë mbërritur ekipe nga jashtë me përvojë të gjerë në fushën e rehabilitimit të pacientëve me djegie, të cilët për momentin janë duke bërë vlerësimin e kushteve hapësinore dhe pajisjeve në disa qendra për rehabilitimin e pacientëve me djegie.
Dy shtete kanë ofruar sigurimin e terapisë “më serioze dhe më afatgjatë” për pacientët nga zjarri në Koçan appeared first on Telegrafi.
