“Takimi i sotëm mes kryeministrit Hristijan Mickoski dhe liderit pro forma të opozitës së kontrolluar maqedonase, Venko Filipçe është vetëm një shpërfaqje e projektit “Maqedonia përsëri e jotja” e sponzorizuar nga oligarkia maqedonase dhe nga “sërpski svet”, kështu thuhet në reagimin e partisë Aleanca për Shqiptarët – krahu i Ziadin Selës.
Siç thonë nga ASH-Sela ai takim u bë për shpëtimin e tyre nga të bëmat e njëri tjetrit.
“Filipçe bashkë me të gjithë miqtë e tij do të shpëtojnë nga çdo përgjegjësi ligjore për bëmat e tyre, ndërsa të dy bashkë do të projektojnë sistemin e ri që do të vazhdojë të godet shqiptarët, të deshqiptarizojë shtetin, të përndjek shqiptarët dhe të forcojë regjimin monoetnik.”
ASH-Sela akuzojnë koalicionin VLEN për mosreagim.
“Pyesim koalicionin e partive shqiptare VLEN, që pa legjitimitet rijnë në Qeverinë ku si përfill askush, çfarë duhet të ndodh më shumë që të kthjellen, të reflektojnë dhe të refuzojnë rolin e vasalëve që për këto 9 muaj ju ka kushtuar shumë shtrenjtë shqiptarëve”, thuhet në reagimin e ASH-Sela.
ASH-Sela: Takimi Mickoski-Filipçe vetëm një shpërfaqje e projektit “Maqedonia përsëri e jotja” appeared first on Telegrafi.
