“Deri më tani janë mbi 20 të dyshuar dhe sipas informacioneve të fundit që kam marrë shumica prej tyre tashmë janë intervistuar. Disa prej tyre tashmë janë në paraburgim, disa prej tyre janë persona të lënduar brenda këtij objekti dhe disa prej tyre do të dërgohen edhe sot, nesër, me urdhër të Prokurorit Publik dhe do të sillen në përputhje me ligjin te gjyqtari kompetent pas procedurës paraprake për ata që Prokuroria Publike vlerëson se duhet të ndiqen në këtë mënyrë”, tha ministri i Punëve të Brendshme Pançe Toshkovski.
Ministri Toshkovski theksoi se deri më tani janë konstatuar bazat e dyshimit për vepër penale nga nenet 288 dhe 292 të Kodit Penal.
“Deri më tani, më duhet të theksoj se ekzistojnë shkaqe dyshimi për kryerjen e veprës penale të shkaktimit të rrezikut të përgjithshëm nga neni 288 i Kodit Penal, si dhe 292 vepra penale të veprave të rënda kundër sigurisë së përgjithshme, të cilat janë të përcaktuara për këtë lloj shkalle ku kemi pasoja fatale në paragrafin 2 të nenit në fjalë, të cilat parashikojnë masa shumë të rrepta dhe të rënda penale. Ndërsa, nga të gjitha bazat e dyshimit që kemi deri më tani, nga sa jam informuar nga Prokuroria Publike, bëhet fjalë për dokumentacion mjaft të gjerë, një hetim që është duke u bërë, janë duke u bërë këqyrje në vend, gjegjësisht kontrolle në disa objekte, kontrolle janë duke u bërë në kuadër të Ministrisë së Ekonomisë gjatë ditës së djeshme”, thotë Toshkovski gjatë ditës së djeshme.
Ministri Toshkovski theksoi se nuk do të ketë mëshirë për askënd dhe të gjithë do të mbajnë përgjegjësi.
“Nuk do të ketë mëshirë për askënd, kushdo që kontribuoi në mënyrë të drejtpërdrejtë ose të tërthortë, të tërthortë ose të drejtpërdrejtë në këtë tragjedi të tmerrshme që i ndodhi Maqedonisë, për të cilën çdo maqedonas po qan, do të mbajë përgjegjësi. Nuk do të jetë si rastet e mëparshme”, tha Toshkovski.
Toshkovski: Të gjithë ata që kanë gisht në këtë tragjedi të tmerrshme që i ndodhi Maqedonisë do të mbajnë përgjegjësi appeared first on Telegrafi.
