Konfederata e Organizatave Sindikale të Maqedonisë (KOSM) sot në konferencë për media i bëri apel Qeverisë dhe Ministrisë së Energjetikës që të marrin masa për faturat e larta që qytetarët i marrin për rrymë nga EVN.
Marjan Risteski nga KOSM, tha se çdo ditë pranojnë ankesa nga qytetarët që ankohen për faturat e larta dhe leximin e parakohshëm të njehsorëve nga zyrtarët e EVN-së.
“Grabitja e EVN-së duhet të ndalet. Ne po mendojmë se çfarë të bëjmë – nëse do të organizojmë protesta, nëse do të fillojmë të mbledhim nënshkrime për heqjen e licencës, do të shohim. Një faturë e printuar në një datë të vetme, të cilën përdoruesi e merr në fund të muajit dhe duhet të paguajë interes. Përgjigja e EVN-së është se fajin e ka postieri, jo ata”, tha Risteski.
Lidhur me kërkesën e sindikatave për rritje të pagës minimale, e cila duhet të harmonizohet në muajin mars, Risteski tha se pagat duhet të rriten sepse në të kundërtën punëtorët cilësorë do të largohen nga vendi.
KOSM: Qytetarët ankohen për faturat e larta të energjisë elektrike, po mendojmë se si do të veprojmë tutje appeared first on Telegrafi.
