Presidentja Gordana Siljanovka Davkova e cilëson SHBA-në si vendin e duhur për lobimin që qeveria Mickoski bën për çështjen e integrimit të vendit. Ajo vlerëson se kontesti me Bullgarinë mund të ketë zgjidhje, nëse zgjidhja kërkohet mbi parimet e të drejtës së vetëpërcaktimit të secilit popull. Liderët evropianë, thotë Presidentja, duhet të gjejnë zgjidhje kreative duke respektuar identitetin. Kreu i ASHAM-it Zhivko Popov e quan të shkëlqyer idenë e kryeministrit për ndryshime kushtetuese me zbatim të prolonguar dhe kërkon të rivendosen bisedimet me Sofjen.
Të gjithë që dimë politikë e dimë se SHBA-të bazohet në sistemin e lobimit. Grupet e lobimit në SHBA kanë ndikimin më të madh në krijimin e politikës. Rrallë kemi pasur rastin të njohim aktorë kryesorë në krijimin e politikës amerikane. Me siguri, ai vend është vendi i qëlluar për krijimin e strategjisë dhe unë e përshëndes këtë aktivitet”, deklaroi Gordana Siljanovska Davkova, Presidente.
“Vlerësoj se ajo është ide e shkëlqyer politike dhe nuk shoh arsye se përse fqinjët tanë e shohin si diçka për të cilën nuk duhet aspak të diskutohet. Mendoj se ajo është një ide inteligjente. Faktikisht, do të realizohet ajo që ata e presion nga ne por do të hyjë në fuqi kur të bëhemi anëtare të BE-së.
Sipas meje, ne duhet t’i vazhdojmë bisedimet me fqinjin tonë. Ne jemi këtu me shekuj pranë njëri tjetrit dhe as ne do të ikim diku, as ata”, deklaroi Zhivko Popov, kryetar i Akademisë së Shkencave dhe Arteve të Maqedonisë.
Siljanovsk-Davkova: SHBA vend i duhur për lobim për eurointegrimet e vendit appeared first on Telegrafi.