E shohim që nuk ka fare mbrojtje të konsumatorit, shohim që çmimet po rriten, shohim që nuk ka mbështetje për ekonominë dhe për këtë po dalim me një grup prej shtatë masash, e para prej të cilave është ligji që e kemi dorëzuar sot në Kuvend, me të cilin kërkojmë ndërhyrje në taksën për energjinë elektrike dhe produktet bazë ushqimore, tha nënkryetarja e LSDM-së, Kaja Shukova.
Shukova për “Telma” theksoi se kjo do të ndikojë drejtpërdrejt në paratë që mbeten në xhepat e qytetarëve.
“Për ne është e pakuptueshme se si në një kohë kur ka inflacion të ulët prej 2-3%, mund të ketë një rritje enorme të çmimeve prej 30%. Mendojmë se në këtë moment duhet të mbrohen qytetarët, siç kemi bërë kur kemi pasur inflacion mbi 15% dhe kur kemi mundur të ofrojmë pako si për qytetarët, ashtu edhe për ekonominë dhe kemi arritur ta mbajmë buxhetin stabil, mendoj se kjo qeveri duhet ta pranojë këtë propozim të LSDM-së dhe koalicionit dhe t’i ndihmojë qytetarët, sepse është e qartë se ata nuk mund të përballen me këto çmime”, tha Shukova.
Ajo theksoi se ligji për praktikat e padrejta tregtare, si mekanizëm që do të ndihmojë në rregullimin e çmimeve, është në fuqi, por nuk zbatohet./Telegrafi/
Shukova: Qeveria nuk përgjigjet me masa, LSDM ofron zgjidhje për uljen e çmimeve appeared first on Telegrafi.