Qendra për Menaxhim me Kriza njofton se janë shpëtuar disa persona që kishin ngecur në një veturë në majë të Galiçicës.
Pas një thirrjes në numrin e vetëm të emergjencës 112 në Qendrën për Menaxhimin e Krizave mëngjesin e sotëm, nga ora pesë deri në tetë, është zhvilluar aksioni i shpëtimit në Galiçicë. Në aksion janë përfshirë Departamenti për Operacione dhe Koordinim në QKM dhe QKM Rajonale Ohër.
“Menjëherë janë njoftuar nga Njësia e Shpëtimit Malor në Ohër, të cilët sipas dukshmërisë së motit kanë dalë në terren për t’i ndihmuar dhe tërhequr dhe sigurisht janë njoftuar të gjitha institucionet kompetente për veprime të mëtutjeshme”, thonë nga QMK.
Nga QMK bëjnë me dije se paralelisht janë kontaktuar edhe personat nga mjeti i bllokuar për të mësuar më shumë rreth gjendjes së tyre, të cilët janë njoftuar se ekipet e shpëtimit janë në rrugë për t’i nxjerrë ata.
Sipas LAMM, nga data 15.11.2023 rruga Ohër-Resnjë, përmes Parkut Kombëtar të Galiçicës, është e mbyllur për qarkullim për të gjitha llojet e automjeteve deri më 01.04.2024.
Shpëtohen disa persona të ngujuar në maje të Galiçicës appeared first on Telegrafi.