Barcelona – Atalanta është një nga sfidat e mbrëmjes së sotme që do të luhen në Champions League. Ekipi italian do të sfidojë spanjollët, në një takim që premton të jetë mjaft spektakolar.
Në prag të kësaj sfide ka folur Berat Gjimshiti. Mbrojtësi shqiptar ka theksuar se pavarësisht se Atalanta ka siguruar kalimin në Play-Off, ndaj barçës do të tentojnë fitoren për të qenë mes 8 ekipeve më të mira.
Ndër të tjera ka folur edhe për çmimin që mori në Shqipëri si lojtari i vitit.
“Barcelona është një ekip që të gjithë e njohin. Çdo ekip ka pikat e veta të forta, por ne do të japim maksimumin për t’i vënë katalanasit në vështirësi.
Keni siguruar Play –Off, por një fitore iu çon mes 8 më të mirave. Keni presion? Nëse fitojmë, shkojmë direkt në 1/8 finale. Kjo është një arsye më shumë për të bërë paraqitje të mirë kundër një ekipi të madh si Barcelona.
Keni ndonjë peng? Mendoj për penalltinë e humbur kundër Arsenalit dhe për shumë raste që patëm ndaj Celtic. Ndoshta mund të ishim në një pozitë më të mirë në renditje, por gjithsesi kemi bërë një rrugëtim të shkëlqyer.
Lojtari i vitit në Shqipëri, si jeni ndjerë? Jam shumë krenar dhe i lumtur. Ky çmim më jep një motivim shtesë, si për Atalantën, ashtu edhe për kombëtaren”, ka përfunduar kapiteni kuqezi.
Berat Gjimshiti sonte kundër Barcelonës: Janë të fortë, do japim maksimumin / shkruan Gazeta Online Reporteri.net.
