Nga OBRM-PDUKM thonë se partia opozitare LSDM është në një rrugë të sigurt për t’u zhdukur.
“Me heshtjen e tyre, LSD është në rrugë të zhdukjes, ashtu siç u zhduk dhe u zhduk Artan Grubi. Siç po kalojnë ditët dhe nuk po kërkojnë falje që e lejuan Grubin të vjedhë e të kryejë vepra kriminale, LSD humbet gjithnjë e më shumë. Fajtorët dhe përgjegjësit e vetëm për krimet e Artan Grubit janë LSD-ja, të cilët edhe pse gjatë gjithë periudhës së qeverisjes e kishin për ministër të Punëve të Brendshme Oliver Spasovskin, as nuk e penguan dhe as nuk filluan procedurë kundër tij”, thonë nga OBRM-PDUKM.
Nga atje thonë se autoritetet gjyqësore dhe prokuroriale, si dhe Ministria e Punëve të Brendshme, e cila duhet të vendosë rendin dhe shtetin ligjor, ndër të tjera, kanë heshtur për një nga rastet që trondit opinionin maqedonas tash e dy muaj dhe që është Artan Grubi.
Nga OBRM-PDUKM shtojnë se tashmë është e qartë për të gjithë se LSDM me vetëdije e ka lejuar Artan Grubin të vjedhë dhe se e kanë bërë për të qëndruar në pushtet për një kohë më të gjatë./Telegrafi/
OBRM-PDUKM: LSDM është në një rrugë të sigurt për t’u zhdukur appeared first on Telegrafi.
