Ronald Araujo mund të bëjë paraqitjen e tij të parë në më shumë se pesë muaj kur Barcelona do të përballet me Borussia Dortmundin në Ligën e Kampionëve të mërkurën.
Ai ishte jashtë fushe që kur pësoi një këputje të nivelit të lartë të kërdhokullës gjatë kohës që luante për Uruguain në Kupën e Amerikës 2024, megjithëse ai është emëruar në skuadrën që do të udhëtojë në Gjermani këtë mesjavë.
Si rezultat, kjo do të thotë se FIFA nuk është më e detyruar t’i paguajë më kompensim Barcelonës si pasojë e lëndimit të Araujos, gjë që duhet ta bëjë sa herë që një lojtar lëndohet gjatë ndeshjes ndërkombëtare.
Sipas Mundo Deportivos, shuma përfundimtare që i detyrohet palës katalanase është konfirmuar të jetë pak më shumë se 2.65 milionë euro.
Këto para do të bëjnë një ndryshim të vogël që Barcelona të heqë përfundimisht problemet e saj financiare, megjithëse mund të shkojnë edhe drejt transferimeve gjatë afatit të ardhshëm të dimrit.
Megjithatë, klubi do të jetë shumë i kënaqur që më në fund ka rikuperuar Araujon, mungesa e të cilit është ndjerë në javët e fundit.
Zbulohet shuma e fituar nga Barça prej FIFA-s, pas lëndimit të Araujos / shkruan Gazeta Online Reporteri.net.
