FBI sheh përfshirjen ruse pas videove të rreme që u qarkulluan në internet më herët. Në veçanti, agjencia e inteligjencës njoftoi se ka pasur kërcënime me bomba në qendrat e votimit në disa shtete, dhe shumë prej tyre duket se kanë ardhur nga emailet ruse.
“Asnjë nga kërcënimet nuk duket të jetë real në këtë moment,” thuhet në reagimin zyrtar.
FBI ka lëshuar një njoftim në lidhje me dy video të rreme që qarkullojnë për zgjedhjet në SHBA.
E para është një citat i sajuar që pretendon të jetë një alarm terrorist i lëshuar nga FBI.
Sipas FBI-së, video u bën thirrje amerikanëve të votojnë nga distanca për shkak të kërcënimit të lartë të terrorizmit në qendrat e votimit.
“Nuk është autentike dhe nuk paraqet saktë situatën aktuale”, theksohet më tej.
Videoja e dytë e rreme përmban një deklaratë të fabrikuar për shtyp të FBI që pretendon se menaxhimi i pesë burgjeve në shtetet kyçe të Pensilvanisë, Xhorxhias dhe Arizonës ka manipuluar votimin e të burgosurve dhe ka komplotuar me një parti politike.
“Kjo video gjithashtu nuk është autentike dhe përmbajtja e saj është e rreme”, thekson FBI.
Agjencia shton se integriteti zgjedhor është një nga prioritetet e saj më të larta dhe po punon me zbatimin e ligjit vendas për t’iu përgjigjur kërcënimeve zgjedhore dhe për të mbrojtur komunitetet ndërsa amerikanët ushtrojnë të drejtën e tyre./vizionplus.tv
