Ministri i Shëndetësisë Fatmir Mexhiti dhe Kryerevizori Shtetëror nga Enti Shtetëror i Auditimit Maksim Acevski, sot ata nënshkruan një Memorandum Bashkëpunimi me qëllim të përmirësimit të marrëdhënieve të ndërsjella në fushat që janë me interes të përbashkët për të dy institucionet.
Mexhiti theksoi se Memorandumi i nënshkruar i bashkëpunimit parasheh komunikim të rregullt, bashkëpunim dhe shkëmbim të të dhënave në fushën e shëndetësisë.
“Me kryerevizorin shtetëror Acevski, planifikojmë të realizojmë aktivitete të rëndësishme, siç është zhvillimi i modulit për raporte për punën e institucioneve shëndetësore, në kuadër të Sistemit Nacional për evidenca elektronike në shëndetësi për nevojat e Entit Shtetëror të Auditimit. Raportet duhet të përmbajnë të dhëna nga regjistrat e mbajtur në Sistemin Kombëtar dhe të ofrojnë rishikime sipas kritereve të ndryshme – rishikimi i pajisjeve mjekësore në objektet shëndetësore, gjendja aktuale me të dhënat për datën e vënies në përdorim, rishikim i mëtejshëm i termineve të lira të publikuara, termine të zëna dhe jo të zëna në nivel ditor, mujor, vjetor ose për një periudhë të caktuar, sipas institucionit dhe specialitetit”, thotë ministri Mexhiti.
Ai tha se raportet duhet të përmbajnë edhe pasqyrë të udhëzimeve të lëshuara të rregullta, prioritare dhe emergjente sipas institucionit dhe specialitetit në nivel mujor ose për një periudhë të caktuar, si dhe pasqyrë të udhëzimeve të realizuara (të rregullta, prioritare, emergjente, shërbimi) në nivel mujor sipas institucionit dhe specialitetit ose për një periudhë të caktuar.
Me memorandumin e nënshkruar, Ministria e Shëndetësisë dhe Enti Shtetëror i Auditimit, marrin përsipër të sigurojnë sistem të mbrojtjes së të dhënave nga përdorimi dhe abuzimi i paautorizuar, por edhe të përdorë të gjitha të dhënat dhe informacionin e marrë në përputhje me këtë Marrëveshje, ekskluzivisht për qëllime të kryerjes së procedurave të auditimit.
Mexhiti: Nënshkruam memorandum bashkëpunimi me Auditimin Shtetëror, po promovojmë bashkëpunimin appeared first on Telegrafi.