Jam e bindur se biseda e sotme në një atmosferë të këndshme debatuese do të japë fryte. Nuk mund të them se nesër do të ndodh kjo, por me rëndësi është të filloni, deklaroi presidentja Gordana Siljanovska Davkova pas takimit në Sofje me kolegiun e saj bullgar, Rumen Radev.
“U tregua se fjala është më e rëndësishme në Bibël. Edhe një herë u tregua se kur të uleni dhe bisedoni, të udhëhequr nga vullneti i mirë ‘bona fide’, e jo nga ‘mala fide’, do të bëni një hap të madh drejt gjetjes së zgjidhjeve të rëndësishme të përbashkëta. Unë nuk jam rastësisht këtu, erdha të bisedoj, dhe kuptohet se tani e pres presidentin Radev të vijë në Shkup. Mendoj se, dhe jam e sigurtë se, siç them shpesh herë, mendimi mund të jetë më i shpejtë se drita. Nëse dëgjohemi, nëse respektohemi, nëse kemi vullnet të kuptohemi, atëherë zgjidhja është afër”, tha Siljanovska Davkova.
E pyetur se për çka janë pajtuar me Radevin, ajo potencoi se janë pajtuar rreth integrimit evropian, kriteret e Kopenhahgës, qasjen rajonale të zgjidhjes së problemeve.
“Jemi pajtuar rreth faktit se mësimet shkencore bullgare në rrugën evropiane do t’i marrim, nuk duhet t’i përsërisim gabimet dhe se jemi në kërkim të një kompromisi dhe zgjidhjes së përbashkët, pa askush të ndjehet i fyer ose i lënduar dhe që askush të mendojë se ka qenë i harruar”, tha ajo.
Rreth vizitës së Radevit në Shkup, ajo tha se “data nuk u caktua, por, kanë përcaktuar se rreth çka mund të jetë vizita”.
“Sinqerisht, secili porej nesh e ka thënë pikëpamjen e tij, me respekt jemi dëgjuar mes veti, por, fakt është se ne i përfaqësojmë interesat kombëtare të njërit apo tjetrit shtet, fakt është edhe se dialogu është zgjidhja kyçe”, tha Siljanovska Davkova.
Ajo shtoi se sot nuk kanë biseduar për çështjen e vendosjes së bullgarëve në Kushtetutë, as për çështje tjera konkrete.
Lidhur me qëndrimin e saj për ndryshimin e Kushtetutës, Siiljanovska Davkova tha se vendimet për këto çështje i marrin deputetët në Parlament dhe nuk varen nga qëndrimet e individëve.
“Përfshirja e bullgarëve në Kushtetutë nuk varet nga unë. Po të isha monark absolut, mund të ndryshoja Kushtetutën, por deputetët përfaqësojnë qytetarët, votojnë sipas bindjes së tyre. Unë nuk mund ta suspendoj demokracinë parlamentare, por kuptohet se kemi diskutuar për të gjitha çështjet, them i kemi diskutuar, sepse nuk mund të marrim vendim, as t’ua imponojmë të tjerëve dhe kombit. Por, biseduam dhe kjo është e shëndetshme”, deklaroi presidentja Siljanovska Davkova pas takimit në Sofje me shefin e shtetit bullgar, Rumen Radev.
Ajo shprehu keqardhje për aksidentin e sotëm dhe vdekjen e dy pilotëve bullgarë dhe shprehu mirëkuptimin se për këtë shkak Radev sonte nuk mund t’i bashkohet shfaqjes së operës “Nabuko”, të Operës dhe Baletit të Maqedonisë në Sofje.
Siljanovska Davkova pas takimit me Radevin: Nëse dëgjohemi dhe respektohemi, zgjidhja e çështjeve shtetërore është afër appeared first on Telegrafi.
