Një ish-urolog i lartë në Nju Jork , dyshohet se ka shfrytëzuar seksualisht më shumë burra se çdo “grabitqar” tjetër në histori.
Paduch u arrestua në prill 2023 dhe u dënua majin e kaluar në gjykatën federale për 13 akuza për sulme seksuale në gjykatën federale. Por tani 143 pacientë të tjerë të urologut janë paraqitur për të ngritur padi kundër tij, duke e çuar numrin e përgjithshëm të viktimave të tij në 310, më i larti i regjistruar ndonjëherë në një rast abuzimi mashkullor nga një autor i vetëm, sipas avokatëve.
“Darius Paduch shfrytëzoi më shumë pacientë meshkuj se çdo ‘grabitqar’ tjetër në histori,” tha avokati i dhjetëra paditësve, Anthony DiPietro, për New York Post. Dokumentet e reja gjyqësore për çështjen e cituar nga mediat vendase vlerësojnë se urologu mund të ketë abuzuar me mijëra meshkuj gjatë karrierës së tij 20-vjeçare.
Perversiteti i urologut të Nju Jorkut nuk kishte kufij, sipas përshkrimeve rrëqethëse të përshkruara në paditë e ngritura dje, të martën, në Gjykatën e Lartë të Manhatanit nga viktima të të gjitha moshave, nga djemtë e vegjël te pensionistët.
Mjeku sadist i injektoi pacientëve të tij substanca që i shkaktonin ereksion për periudha të gjata kohore, kreu operacione për zgjerimin e penisit që çuan në shpërfytyrim, kreu cistoskopitë, një test diagnostik ku një mjet i ngjashëm me tubin futet në uretër, pa anestezi, si dhe detyroi disa pacientë të mendonin se po kryenim ekzaminime të supozuara në mënyrë që të merrnin kënaqësi të sëmurë nga poshtërimi i tyre, pretendojnë dokumentet.
Gjatë disa seancave me pacientët e tij, Paduch ecte nëpër dhomë me një stilolaps dhe tregonte pjesë të trupave të tyre të zhveshur, “sikur të ishte një profesor në një klasë”, thuhet në dokumentet e gjykatës.
Paduch punoi për shumë vite si urolog në Qendrën Mjekësore Ëeill Cornell, Spitalin New York-Presbyterian dhe spitale të tjera të njohura të Nju Jorkut, prestigji i të cilave e lejoi atë të mashtronte më lehtë viktimat e tij.
Në disa raste, abuzimi ka ndodhur para infermierëve, asistentëve apo edhe mjekëve të tjerë, pretendojnë dokumentet gjyqësore të cituara nga New York Post./vizionplus.tv
