Ligji për Gjuhë është në pritje për një vendim përfundimtar, kështu ka deklaruar kryetari i Gjykatës Kushtetuese, Darko Kostadinovski.
I pyetur nga AIM se a do të arrijë Gjykata Kushtetuese të balancojë me mençuri pa i prishur marrëdhëniet politiko-etnike në vend, sidomos pas informimit të kryeministrit për sfida të mundshme të sigurisë këtë vjeshtë?, Kostadinovski tha:
“Është një temë komplekse dhe e gjerë që përbëhet nga 13 nisma qytetare, parti politike, shoqata të ndryshme. Çështja është trajtuar nga disa gjyqtarë dhe unë jam kryetari i katërt i Gjykatës që do të kem mundësi ta prezantoj rastin në seancë. Për sa i përket rezultatit, do të përmbahem nga një opinion personal edhe pse kam një qëndrim për këtë çështje që kur na është shpërndarë raporti i parë. Argumentet për këtë rast do të mund t’i dëgjojë edhe opinioni sepse në javën e parë të tetorit do të jetë në rendin e ditës së Gjykatës. Por në lidhje me pyetjen tuaj nëse Gjykata do të jetë në gjendje të balancojë me mençuri pa i prishur marrëdhëniet politiko-etnike në vend, si dhe sfidat e mundshme të sigurisë, më lejoni, për ju dhe publikun, të shfrytëzoj rastin për të dhënë pamje dhe sa e lejon hapsira, sqarim. Jemi të vetëdijshëm se Gjykata Kushtetuese mban barrën më të madhe për të vendosur për çdo çështje delikate, por për këtë ekziston Gjykata. Jo vetëm Gjykata jonë, të gjitha gjykatat kushtetuese herë pas here përballen me raste të ndjeshme shoqërore në të cilat vendimi mund të ketë implikime socio-politike dhe pikërisht për këtë në drejtësinë kushtetuese ekziston ai që quhet “vendimi i Gjykatës Kushtetuese për të mos vendosja është një vendim”. Si një nga gjyqtarët me shërbimin më të gjatë në përbërjen aktuale, kam qenë dëshmitar i disa situatave të tilla. Por përvoja më tregoi dy gjëra të rëndësishme, të cilat janë të rëndësishme edhe për mandatin tim si president.
Ai tha se këto tema janë te ndjeshme, mëgjithatë vendimi do të sillet në bazë të argumenteve që përmbëjnë rastin.
“Ndjeshmëria e çështjeve të tilla nuk kufizohet me një hark kohor, ndjeshmëria nuk zvogëlohet me kalimin e kohës, ato kanë qenë dhe janë subjekte të ndjeshme para 4 vitesh si dhe sot, dhe nga ky aspekt Gjykata është më e mirë dhe më e mirë dhe pa kalkulime për të vendosur, ekskluzivisht me argumente kushtetuese-juridike, ndaj dhe si kryetar me këtë përvojë, do të avokoj për një vendim sa më të shpejtë për çështjet, pavarësisht shkallës së ndjeshmërisë së tyre. Domethënë, duhet të jemi të sinqertë dhe t’i bëjmë vetes pyetjen nëse jemi një demokraci e qëndrueshme, a është e nevojshme të bëjmë hapin dhe kalimin në një demokraci të pjekur? Qëndrimi im është i qartë. Mendimi im është se është e nevojshme, se është koha për të bërë atë hap drejt një demokracie të pjekur. Realiteti ynë kushtetues për mendimin tim është se ne jetojmë në një demokraci të qëndrueshme, por jo ende të pjekur. Një demokraci e pjekur nënkupton një nivel të lartë të kulturës kushtetuese dhe politike, respekt të fortë për shtetin e së drejtës, institucione të qëndrueshme të pavarura, institucione që i kanë qëndruar provës së kohës dhe mund të përballen me efektivitet me sfida si krizat politike, ekonomike, shëndetësore, norma demokratike të rrënjosura thellë që respektojnë liritë dhe të drejtat themelore të qytetarëve. Është koha e fundit për të kaluar në një demokraci të pjekur, nga e cila do të përfitojnë të gjithë qytetarët pa përjashtim.”
Kryetari i Gjykatës Kushtetuese, Kostadinovski: Seanca për Ligjin e gjuhëve mbahet në javën e parë të tetorit appeared first on Telegrafi.