Policia italiane ka shpallur në kërkim dy të rinj shqiptarë të moshës 25 dhe 29-vjeç të cilët akuzohen se kanë plagosur me thikë një 50-vjeçar natën e ndërrimit të viteve.
Mediat italiane raportojnë se ngjarja e rëndë ka ndodhur në zonën e Velletri, provincë e Romës.
Sipas mediave ndërkohë që qyteti gumëzhinte nga festa, dy të rinjtë shqiptarë kanë plagosur me thikë 50-vjeçarin.
Menjëherë pas ngjarjes ai është dërguar në spital ku ka marrë ndihmë mjekësore, ndërkohë që është konstatuar se kishte marrë goditje në gjoks. Falë ndërhyrjes së mjekëve gjendja e tij shëndetësore është stabilizuar.
Ndërkohë policia ka kërkuar ndihmën e familjarëve dhe personave të pranishëm në vendngjarje për të identifikuar autorët, të cilët janë larguar menjëherë pas ngjarjes.
/Vizionplus.tv/
