Një çift i martuar shqiptar dhe një vajzë 19-vjeçare kanë rënë në prangat e policisë italiane, si pasojë e trafikimit të lëndëve narkotike.
Në banesën e tyre u gjetën 1.3 kg kokainë dhe një revole të kalibrit 22 të mbajtur në mënyrë të paligjshme, para cash si dhe shume mjete për paketimin e drogës.
Çifti shqiptar, gruaja 47 vjeç dhe burri 53 vjeç ishin pronarë të një picerie, ndërsa e reja ishte e dashura e djalit të tyre.
Arrestimi ndodhi pas një sërë denoncimesh për një aktivitet intensiv të trafikut të drogës të organizuar në qendër të Rovatos. /vizionplus.tv
