Ministria për Evropën dhe Punët e Jashtme po zhvillon Konferencën e Ambasadorëve “Tirana Diplo 2024”, e cila do të zgjasë për tre ditë, 26-28 gusht.
Në konferencën tre ditore ishte i pranishëm edhe kreu i qeverisë, Edi Rama. Gjatë fjalës së tij, Rama tha se Shqipëria ka pësuar një transformim historik dhe kush thotë të kundërtën lufton me faktet. Gjithashtu Rama vuri në dukje punën që është bërë nga diplomacia, e cila ka luajtur një rol kyç në transformimin historik të vendit tonë.
Rama: Sot jetojmë në një kohë të shenjuar nga një transformim historik i Shqipërisë dhe kush thotë të kundërtën injoron faktet. Progresi i kësaj kohe që është një kohë e transformimit të madh është i dukshëm dhe i përshëndetur botërisht. Diplomacia jonë ka hyrë në një dinamikë të re dhe ka luajur një rol kyç në zhvillimet transformuese të kësaj kohe. Sot Shqipëria negocion anëtarësimin në BE pas një procesi të jashtëzakonshëm skanimi të të gjithë sistemit të organizmit të vendit. Skuadra kombëtare e Shqipërisë me të gjitha repartet përgjegjëse për 33 kapituj u vlerësua me notat më pozitive nga partnerët tanë në Bruksel, ku vendi mori një vlerësim të qartë për gatishmërinë për t’iu përmbajtur legjistacionit dhe standardeve të BE në të gjita fushat.
Kreu i qeverisë solli në vëmendje një fakt që lidhet me rolin proaktiv të Shqipërisë përmes një diplomacie dinamike në funskion të ndikimit të vetë BE-së për interesat e vendit tonë të para në një kënd më të gjerë, si pjesë e interesit të përbashkët rajonal.
Rama: Dua të flas për hartimin e një politike të re të BE-së, përmes një instrumeti të ri financiar dhe zhvillimor për krejt rajonin tonë, i cili shkon përtej sistemit të mbeshtetjes me fondet IPA dhe adreson në mënyrë specifike një nevojë të madhe të Shqipërisë dhe vendeve të rajonit për të përmirësuar performancën dhe rritur konvergjencën ekonomike me vendet e BE. Duke hapur rrugën që ndërkohë që negociojmë me BE, të mund të integrohemi gradualisht në hapësirën ekonomike dhe në tregun e përbashkët evropian.
Kjo është diçka e re, theksoi Rama dhe u krijohet si mundësi veneve të rajonit të Ballkanit.
Rama: Së bashku me partnerët në Bruksel jemi në një proces sistemimi të të gjithë hapave dhe të gjithë piketave që duam të arrijmë përmes këtyre hapave, për të rritur masën e integrimit pa pritur që të bëhemi anëtarët të BE-së. Kjo është arsyeja, pse ne kemi nisur një proces të ri përmes një synimi absolutisht ambicioz për të lansuar reforma të reja, duke u organizuar në Kuvendin e Shqipërisë me Komisionin e Posaçëm të Antikorrupsionit. I solla këto shembuj për të ilustruar faktin se tanimë prej kohësh ne nuk jemi statik në pozicionimin dhe qasjen ndaj marrëdhënieve tona ndërkoëbtare.
Ministri i Jashtëm, Igli Hasani njoftoi dje (25 gusht) se konferenca e ambasadorëve “Tirana Diplo 2024” do të ketë në fokus sfidat e diplomacisë shqiptare në procesin e integrimit në Bashkimin Evropian, zhvillimet rajonale dhe të sigurisë, diplomacinë ekonomike, kulturore dhe turizmin./vizionplus.tv
