Besiana Kadare, vajza e shkrimtarit të madh Ismail Kadare ka shpërndarë një foto të saj me kryeministrin Edi Rama, asokohe kryetar bashkie.
Në një shkrim bashkëngjitur fotos, Besiana shkruan se fotoja është shkrepur gjatë mandatit të saj të parë në OKB në New York, në vitin 2003, rreth 21 vite më parë.
“Përgjatë mandatit të parë timin në OKB në New York, me KM Rama (atëkohë kryetar bashkie), shefi im i atëhershëm Ambasador Nesho dhe gruaja e tij Daniela, dhe miku jonë familjar prej një kohe të gjatë Julien Roche. Rreth vitit 2003”, shkruan Besiana Kadare, vajza e vogël e Ismailit dhe në të njëjtën kohë funksionare e lartë diplomatike e Shqipërisë.
Shkrimtari i madh Ismail Kadare mbylli sytë më 1 korrik të këtij viti, në moshën 88-vjeçare.
Kadare është autori më i njohur i letërsisë shqipe dhe shkrimtari më i përkthyer shqiptar në gjuhët të huaja.
Është fituesi i disa çmimeve kombëtare e ndërkombëtare. Më 17 tetor 2023, shkrimtarit të madh shqiptar iu dha titulli i Oficerit të Lartë të Legjionit të Nderit, nga Presidenti francez Emmanuel Macron.
Në vitin 2005 fitoi Çmimin Ndërkombëtar “Booker”. Ndërsa disa herë ishte përfolur si kandidat pretendent për çmimin “Nobel”./vizionplus.tv
