Ministri i Shëndetësisë, Arben Taravari, ka bërë të ditur sot se në mbledhjen e qeverisë është diskutuar për gjetjen e një zgjidhjeje që do t’u mundësojë mjekëve nga shëndetësia private të kthehen në shëndetësi publike, duke qenë se ka interes. Siç sqaroi Taravari, kjo ka të bëjë për ekspertët me mbi 10 vite përvojë pune, të cilët do të punësohen në spitalet ku ka mungesë të stafit.
“Ne si qeveri do të kërkojmë zgjidhje, ekspertë të caktuar që kanë mbi dhjetë vjet përvojë si specialistë dhe subspecialistë në ato klinika dhe spitale ku ka mungesë të personelit për t’i rikthyer dhe jam i sigurt se do të gjejmë zgjidhje që një numër i caktuar i tyre të kthehen. Kjo tregon se besimi po kthehet në institucionet shëndetësore publike”, theksoi Taravari.
Lidhur me vendimin e Qeverisë për formimin e komisionit për ndërtimin e garazheve shtesë në Qendrën Klinike në Shkup, disa prej të cilave do të jenë shumëkatëshe, ai shtoi se komisioni do ta realizojë thirrjen publike.
Taravari nuk ka informacion se sa kompani kanë aplikuar deri më tani në lidhje me tenderin aktual për stacionin e kompresorit për teatrot kirurgjikale në Qendrën Klinike dhe shtoi se do të dihet pas përfundimit të tenderit, më 12 shtator./Telegrafi/
Mjekët nga shëndetësia private dëshirojnë të kthehen në spitalet publike, do të angazhohen aty ku ka mungesë të kuadrit appeared first on Telegrafi.
