Ditën e sotme kreu i qeverisë, Edi Rama njoftoi disa ndryshime të rëndësishme.
Ministria e Kulturës u mbyll për të rilindur një e re, bashkë me ekonominë dhe inovacionin.
Ajo do të drejtohet nga Blendi Gonxhja që prej pesë vitesh është drejtor i përgjithshëm i shërbimeve të transportit rrugor.
Eksperti i IT-së, Tomi Kallanxhi mendon se qeveria e ka lënë pas dore teknologjinë.
I ftuar në “Quo Vadis” në ekranin e Vizion Plus të moderuar nga Pranvera Borakaj, Kallanxhi tha se jemi vonë për të folur për inovacionin.
Tomi Kallanxhi: Nuk e kuptoj pse qeveria e kishte lënë kaq shumë pas dore teknologjinë. Çështja është ne sot nuk kemi start up-e, ne sot kemi universitete që janë të braktisura nga research and development. Ka shumë gjëra që qeveria shqiptare mund t’i jepte prioritet. Nëse nuk rregullohen këto rregullator është shumë e vështirë që një ide innovative të çajë në Evropë. Shqipëria është vendi i dytë në Estoni për hapjen e bizneseve teknologjike. Ti mund të hapësh biznes në Estoni pa qenë asnjëherë në Estoni. Shqipëria të gjitha këto mundësi që i ka një shtet që është në BE, si Estonia, nuk i ka. Unë them se jemi pak me vonesë për të folur për inovacion.
Pranvera Borakaj: Sa të sigurta janë të dhënat ndërsa ne flasim për teknologji dhe inovacion?
Tomi Kallanxhi: Sulmet kibernetike kanë qenë shumë të forta, sidomos shtete si Irani janë shumë të forta teknologjikisht.
Pranvera Borakaj: Pse vende si Shqipëria?
Tomi Kallanxhi: Këtë nuk e di.
Edmond Spaho: Ka dhe bashkëpunim nga brenda. Nuk besoj se është vetëm nga jashtë.
