Radhë të gjata janë krijuar në dalje në pikën e kalimit kufitar të Kristallopigi që lidh Greqinë me Shqipërinë.
Shtetasit shqiptarë që jetojnë e punojnë në vendin fqinj e po vijnë për fundjavë në vendin tonë thanë se policia greke e kufirit po punon vetëm me dy sportele në dalje duke sjellë radhë të gjata në anën greke.
Ata thonë se për të hyrë në Shqipëri kanë pritur mbi një orë.
Gjatë dy ditëve të fundit, nga Greqia në drejtim të Shqipërisë kanë hyrë mbi 10.000 shtetas kryesisht shqiptarë. /vizionplus.tv
