Këngëtarja shqiptare me famë botërore Dua Lipa vijon suksesin e saj në arenën ndërkombëtare.
Edhe këtë herë artistja është bërë pjesë e listës së nominimeve në evenimentin më të madh muzikor atë të MTV Music Video Awards 2024. Mes emrave më në zë të momentit Dua Lipa është nominuar në tri kategori; “këngën më të mirë pop”, “koreografinë më të mirë”, si dhe “kinematografinë më të mirë”.
Lajmi është bërë i ditur nga vetë këngëtarja me origjinë shqiptare, përmes një postimi në rrjetet e saj sociale, ku kërkon dhe votën e mbështetësve të saj.
Por kjo nuk është hera e parë që Dua bëhet pjesë e nominimeve, pasi në vitin 2021, ishte shqiptarja e vetme që kandidoi në katër kategori.
Ndërkohë ajo që ka kryesuar listat edhe për këtë vit është këngëtarja dhe tekst-shkruesja Taylor Swift, në 10 kategori, e ndjekur nga reperi amerikan Post Malone.
Ceremonia e “MTV Music Video Awards 2024”, e cila nderon yjet më të mëdhenj të muzikës në botë, do të mbahet më 11 shtator në New York.
