Partnerët qeveritarë me qëndrime kontradiktore për të ardhmen e Këshillit Gjyqësor dhe Këshillit të Prokurorëve. Tema u ngrit pasi OBRM-PDUKM premtoi shpërbërjen e plotë të këshillave. 3
Pa qëndrim aktualisht janë vetëm partnerët e koalicionit VLEN.
“Do e diskutojmë dhe do të kemi qëndrim të tillë, do e paraqesin ministrat ose personat adekuat”, tha Bashkim Murtezi, VLEN.
Kryeministri dhe kryetari i OBRM-PDUKM-së, Hristijan Mickoski, dje tha se nuk heq dorë nga synimi i tij.
Një deklaratë e tillë e Mickoskit erdhi në të njëjtën kohë kur ministri i Drejtësisë nga radhët e ZNAM-it, Igor Fillkov, kishte brifing me gazetarë. Fillkov, për dallim nga Mickoski, thotë se do të iniciojë debat të gjerë për çështjen e reformave në Këshillin Gjyqësor dhe ka informuar se nuk ka ndërmend shpërbëjë asgjë, por do të kërkojë zgjidhje të përhershme dhe efektive.
“Nuk heq dorë nga shpërbërja e Këshillit Gjyqësor si reformë dhe nga shpërbërja e Këshillit të Prokurorëve Publikë. Pres sugjerime, ja ku po kërkoj me ngulm sugjerime”, tha Hristijan Mickoski.
“Unë jam i gatshëm të hap debat të gjerë për këtë temë dhe do të bisedojmë me opinionin profesional dhe publikun e gjerë vendas dhe do të arrijmë zgjidhje të përbashkët. Jemi të gjithë në të njëjtën linjë, unë dhe kryeministri dhe miqtë tanë nga Europa dhe Amerika”, Igor Fillkov, ministër i Drejtësisë.
Mickoski nuk caktoi afat se deri kur do të pres propozimet para se të fillojë me shpërbërjen eventuale të këshillave. Ekspertët, si dhe disa nga ambasadorët, thanë se një ide e tillë do të ishte ndërhyrje e pushtetit ekzekutiv në gjyqësor. Ambasadorët David Geer dhe Anxhela Ageller i bënë thirrje qeverisë që të zbatojë rekomandimet e ekspertëve europianë nga Misioni vlerësues. Ministri i Drejtësisë Fillkov nuk është përgjigjur se cili është plani i tij për rekomandimet dhe nëse ato do të zbatohen.
Shpërbërja e Këshillit Gjyqësor dhe të Prokurorisë! Partnerët qeveritarë me qëndrime kontradiktore appeared first on Telegrafi.
