Një studim i ri, i cili është publikuar në gazetën “Diabetes Care” dhe është realizuar në një spital në Brigham të Bostonit, ka gjetur se gjumi jo i rregullt rritë për 34 për qind gjasat për zhvillim të sëmundjes së diabetit.
“Gjetjet tona nënvizojnë rëndësinë e orarit të rregullt të gjumit si strategji për të reduktuar diabetin e tipit 2”, ka thënë autorja e studimit Sina Kianersi, raporton The New York Post.
Diabeti i tipit dy është një nga shakatarët më të mëdhenj të vdekjeve në mbarë globin.
Numri i njerëzve me diabet në botë ka predispozita që të dyfishohet në 1.3 miliardë deri në vitin 2050.
Për këtë studim, më shumë se 84 mijë banorë të Mbretërisë së Bashkua u monitoruan për shtatë net, përmes një pajisjeje që vendoset në dorë për matjen e lëvizjeve gjatë natës.
Pjesëmarrësit ishin të moshës rreth 62 vjeçe dhe fillimisht nuk kishin diabet.
Studiuesit ndoqën gjendjen shëndetësore të vullnetarëve për rreth 7 vjet e gjysmë, duke monitoruar zhvillimin e diabetit përgjithësisht përmes të dhënave mjekësore.
Ata gjetën se njerëzit që patën ndryshime në orarin e gjumit natë pas nate, u përballën me rrezik të shtuar për diabet për 34 për qind.
Lidhja në mes të gjumit jo të rregullt dhe diabetit ishte më e shprehur te njerëzit që flinin më gjatë dhe që kishin rrezik më të vogël për diabet gjenetik.
Pasi që vullnetarët që morën pjesë në studim ishin në moshë të shtyrë, të shëndetshëm dhe të bardhë, studiuesit planifikojnë ta testojnë teorinë e tyre edhe në njerëz më të rinj në moshë si dhe te personat e racave të tjera.
Gjumi jokualitativ ka kohë që dihet se është një ndër faktorët që shkakton diabetin. Gjumi është i rëndësishëm për kontrollimin e nivelit të sheqerit në gjak dhe tensioni i lartë i gjakut është shenjë dalluese e kësaj sëmundjeje.
Një studim që është bërë në muajin mars ka gjetur se njerëzit që flenë më pak se gjashtë orë në ditë janë më të prirur për të zhvilluar sëmundjen e diabetit, krahasuar me ata që flenë shtatë deri në tetë orë në ditë.
Studimi: Gjumi jo i rregullt rrit gjasat për diabet për 34% / shkruan Gazeta Online Reporteri.net.
