Kujtesa është aftësia ndoshta më e rëndësishme e organizmit për të koduar dhe depozituar informacione, në mënyrë që ato të riprodhohen dhe përdoren më vonë. Psikologët e zhvillimit dhe mjekët pohojnë që ka gjithmonë truke dhe sekrete për të pasur një kujtesë të ‘fortë’ dhe afatgjate. Më poshtë do të gjeni të listuara disa nga ushqimet që ndihmojnë në mirëfunksionimin e kujtesës suaj.
Boronicat, përmbajnë substanca ushqyese , të njohura ndryshe si proantocianidinat- PCO të cilat mbrojnë trurin nga toksinat mjedisore dhe ulin veprimin e radikaleve te lira. Proantocianidinat kanë veprim anti-inflamator dhe stimulojnë kujtesën.
Ekstrakti i domates, licopeni (pigmenti bimor që u jep domateve ngjyrën e kuqe) është dhjetë herë më i fuqishëm se vitamina E. Licopeni përmirëson funksionet cerebrale, si dhe ndihmon në aftësimin e memories afatgjatë.
Spinaqi, është shumë i pasur në vitamina dhe proteina. Konsumi i tij mbron qelizat nervore nga efektet e plakjes. Vitamina më e fuqishme e spinaqit është vitamina K e cila ndihmon në vendosjen e ekuilibrit të sistemit nervor qendror. Mund t’ju interesojë gjithashtu: 4 erëzat që mbrojnë trurin nga depresioni dhe humbja e kujtesës
Farat e kungullit, ndonëse të vogla janë miniera të vërteta mineralesh e vitaminash. Farat e kungullit janë shumë të pasura me vitaminë E, Omega 3, Omega 6 dhe zink, minerali që luan një rol të rëndësishëm në mirëfunksionimin e receptorëve të kujtesës dhe proceset e të menduarit.
Veza, në vezë gjendet kolina, një përbërës shumë i rëndësishëm për shëndetin dhe që ndihmon zhvillimin e funksioneve kardiovaskulare dhe cerebrale.
Kurkuma, Shkencëtarët vazhdojnë të habiten nga fuqia e kurkumës në trurin tonë. Kurkuma ka veti anti-inflamatore dhe ndihmon në ekuilibrin e sistemit nervor qendror. Konsumi i saj ndihmon në parandalimin e Alzheimer-it.
Brokoli, brokoli është i pasur me antioksidantë të rëndësishëm që parandalojnë dëmtimet e radikaleve të lira. Ai përmban gjithashtu acid folik që ul nivelin e omiocisteninës, një substancë që çon në shfaqjen e harresës.
