Iranianët filluan votimin sot për të zgjedhur presidentin e ri, tha ministri i Brendshëm Ahmad Vahidi në televizionin publik.
Sipas një analize të New York Times, zgjedhjet vijnë në një moment kritik për vendin, pasi presidenti i ri i zgjedhur do të përballet me një sërë sfidash, duke përfshirë pakënaqësinë dhe ndasitë brenda vendit, një ekonomi të trazuar dhe sigurisht paqëndrueshmëria gjeopolitike që e ka sjellë Iranin në prag të luftës dy herë këtë vit.
Edhe pse fushata elektorale nisi pa ‘pasion’, zgjedhjet e këtij viti janë më të diskutueshme se ato të mëparshme të 2021, falë pranisë së reformatorit Masoud Pezeskian, i cili është cilësuar si një nga tre favoritët.
Dy kundërshtarët e tij kryesorë janë kryetari konservator i Parlamentit Mohammad-Bagher Ghalibaf dhe Said Jalili, ish-negociatori ultra-konservator për programin bërthamor të Iranit.
Ky konkurs mund të çojë në balotazh, diçka që nuk ka ndodhur që nga themelimi i Republikës Islamike 45 vjet më parë, përveç një zgjedhjeje presidenciale, në 2005.
Për të pasur ndonjë shans për të fituar zgjedhjet, Masoud Pezeskian duhet të shpresojë për një pjesëmarrje masive, ndryshe nga zgjedhjet presidenciale të vitit 2021, të cilat u shënuan me një abstenim rekord prej 51%, pasi asnjë kandidat reformist nuk u lejua të merrte pjesë.
Sondazhi i fundit i televizionit shtetëror iranian i publikuar të mërkurën, në ditën e fundit të fushatës, tregoi se Pezheskian kryeson me 23,5 për qind, Ghalibaf me 16,9 për qind dhe Jalili me 16,3 për qind, ndërsa 28,5 për qind e të anketuarve deklarojnë se janë të pavendosur.
Reformisti Pezeskian, një familjar 69-vjeçar i ve, siguroi se ishte e mundur “të përmirësoheshim” për disa nga problemet me të cilat përballen 85 milionë iranianë.
Por për disa votues, ky mjek i kthyer në deputet nuk ka përvojë në qeveri, pasi ka shërbyer vetëm si ministër i Shëndetësisë rreth 20 vjet më parë.
