minibus hire Leeds cheap diesel near me uk web hosting online local minibus hire Mot History Check struga Lajm MOT check cloud hosting mortgage calculator online store Local minibus Hire Cheap Fuel Prices
Rrahmani në formacionin e javës në Serie A - Shqiperia.info

Amir Rrahmani ka nisur ta rikthejë formën e dikurshme duke u bërë protagonist tek Napoli.

Qendërmbrojtësi kosovar shkëlqeu në fundjavën që shkoi duke e inspiruar ekipin napolitan drejt fitores ndaj Salernitanës.

Madje, ish-futbollisti i Dinamo Zagrebit e Veronës e shënoi golin e fitores 2:1 në minutat shtesë të lojës për t’ia siguruar tri pikë të vlefshme kampionit aktual italian.

Për këtë, përfaqësuesi kosovar u përfshi në ekipin ideal të xhiros së 20-të në Serie A, të përzgjedhur nga faqja “Goal.com”.

“Napoli iu rikthye fitores duke e mposhtur Salernitanën në shtëpi dhe këtë e bëri falë një goli të shënuar në minutat shtesë nga Rrahmani. Mbrojtësi, jo vetëm që shfaqi siguri dhe kualitet gjatë tërë lojës, por u bë edhe njeriu vendimtar i ekipit”, shkruan kjo faqe.

29 vjeçari u rikthye së fundmi nga lëndimi dhe po e rigjen formën dalëngadalë, shkruan “Gazeta Express.

Për të thuhet se interesim kanë shprehur Atletico Madridi në Spanjë dhe Atalanta në Itali.

Mbetet të shihet nëse kapiteni i Kombëtares së Kosovës do të qëndrojë edhe në edicionin e ardhshëm në “Diego Maradona” apo jo.

 

Rrahmani në formacionin e javës në Serie A / shkruan Gazeta Online Reporteri.net.

Share.
Exit mobile version