Ministrat e Mbrojtjes të NATO-s do të mblidhen edhe sot në selinë e NATO-s në Bruksel nën drejtimin e Sekretarit të ri të Përgjithshëm Mark Rutte.
Rutte gjatë ditës së djeshme ka bërë të ditur se sesionin e dytë, pra sot do të diskutohet për Ballkanin Perëndimor duke përmendur në veçanti edhe Kosovën e Bosnjën.
Ai përmendi edhe dialogun Kosovë-Serbi, duke thënë se nuk proces po ecë si do të dëshironin.
“Duhet të jemi të vetëdijshëm për tensionet në Ballkanin Perëndimor. Fakti që dialogu mes Kosovës e Serbisë nuk po lëvizë përpara ashtu siç do të dëshironim, dialog ky të cilin NATO e mbështet dhe tensionet në Bosnjë e Hercegovinë, do të jenë në agjendë dhe do të bëjmë gjithçka për të mbështetur Ballkanin Perëndimor”, tha Rutte të enjten para mediave, transmeton gazeta online Reporteri.net.
Rutte e tha se gjendja e sigurisë në rajonin e Ballkanit Perëndimor është e brishtë, duke përmendur në veçanti atë në Kosovë dhe në Bosnjë e Hercegovinë.
“Situata në Ballkanin Perëndimor mbetet shqetësuese me kërcënimet për ndarje në Bosnje e Hercegovinë, situatën e brishtë të sigurisë në Kosovë dhe përparimin e vogël në dialogun e lehtësuar nga BE mes Beogradit dhe Prishtinës“, tha Rutte para mediave.
Shefi i NATO’s: Situata e sigurisë në Kosovë e brishtë, përparim i vogël në dialog
Ministrat e NATO-s mblidhen në Bruksel, temë edhe Kosova e tensionet në Ballkanin Perëndimor / shkruan Gazeta Online Reporteri.net.
