minibus hire Leeds cheap diesel near me uk web hosting online local minibus hire Mot History Check struga Lajm MOT check cloud hosting mortgage calculator online store Local minibus Hire Cheap Fuel Prices
Liga e Kampionëve: Barazime në Londër dhe Madrid - Shqiperia.info

Kanë përfunduar me rezultat të barabartë ndeshjet e sotme të Ligës së Kampionëve, shkruan gazeta online Reporteri.net. 

Bayern – Arsenal përfunduan me rezultat 2:2 dhe Real Madrid  – Manchester City 3:3.

Arsenali e Bayerni kanë luajtur 2:2 në ndeshjen e parë çerekfinale të Ligës së Kampionëve. Ndeshja e së martës mbrëma në stadiumin “Emirates” në Londër nuk dha fitues.

Bukayo Saka kaloi në epërsi Arsenalin në minutën e 12-të. Gjiganti gjerman reagoi me dy gola të shpejtë. Serge Gnabry barazoi rezultati në 1:1 në minutën e 18-të.

Për 2:1 në të mirë të Bayernit shënoi Harry Kane. Kapiteni i Anglisë realizoi nga pika e bardhë në minutën e 32-të.

Golin e barazimit, londinezët e shënuan në minutën e 76-të. Leandro Trossard shënoi pas asistimit të bukur të Jesusit.

Arsenali është në garë për titull në Premier League, ndërsa Bayerni gjithë fokusin e ka në Champions.

Ndeshja e kthimit në Munih zhvillohet më 17 prill.

Barazon Arsenali, rezultati 2:2

Të martën mbrëma në “Santiago Bernabeu”, në atmosferë të zjarrtë, Real Madridi e Manchester City e zhvilluan ndeshjen e parë çerekfinale të Championsit. Ndeshja përfundoi 3:3.

Bernardo Silva befasoi madrilenët duke shënuar golin e parë për Cityn që në minutën e dytë.

Madridi barazoi në minutën e 12-të, kur Ruben Dias shënoi autogol. Rodrygo kaloi në epërsi 2:1 Realin në minutën e 14-të.

Në minutën e 66-të Phil Foden i Cityt shënoi me goditje mjeshtërore nga distanca për 2:2. Nuk vonoi shumë dhe kampioni në fuqi, Manchester City, realizoi për 3:2. Ishte mbrojtësi kroat Joshko Gvardiol që realizoi tjetër supergol në minutën e 71-të.

Por vendasit nuk u dorëzuan. Në minutën e 79-të Federico Valverde goditi shumë bukur për 3:3.

Real Madrid 3 – 3 Man City

Liga e Kampionëve: Barazime në Londër dhe Madrid / shkruan Gazeta Online Reporteri.net.

Share.
Exit mobile version