Arsenali dhe Manchester United janë ndër klubet që po ndjekin nga afër mundësinë e transferimit të sulmuesit të Paris Saint-Germain, Gonçalo Ramos.
Sulmuesi portugez, i cili është përshkruar më parë si një “lojtar shumë interesant” dhe është lavdëruar nga Luis Enrique (sipas Get French Football Neës), mund të jetë i disponueshëm këtë verë për çmimin e duhur.
Fillimisht, PSG nuk kishte plan për ta shitur, por “CaughtOffside” raporton se interesi rreth situatës së tij po rritet, dhe një marrëveshje nuk mund të përjashtohet plotësisht.
Neëcastle, Aston Villa, Napoli dhe Juventus janë gjithashtu në listën e klubeve të interesuara, por është e njohur se Arsenali dhe Man Utd janë të dëshpëruar për të përforcuar repartin ofensiv këtë verë.
Ramos nuk ka arritur ende të konsolidohet si titullar i padiskutueshëm te PSG, dhe duket se 23-vjeçari është i hapur për një sfidë të re.
Luis Enrique do të preferonte ta mbante si opsion në skuadër, por klubi e ka të qartë se ofertat e mira duhet të merren në konsideratë.
Me 17 gola dhe katër asistime këtë sezon në të gjitha kompeticionet për klubin dhe kombëtaren, Ramos ka treguar potencialin e tij dhe padyshim që mund të kishte një ndikim të madh në Premier League.
Ramos duket si profili që mund t’i përshtatet edhe Ruben Amorim-it në repartin e avancuar, por mbetet për t’u parë nëse ai do të ishte gati të rrezikonte me një kalim te Old Trafford tani për tani.
Edhe pse United është në finalen e Europa League, gjë që u jep mundësi për t’u kualifikuar në Champions League, sezoni i tyre në Premier League ka qenë i zymtë — aktualisht ndodhen në vendin e 15-të dhe rruga për t’u kthyer në garë për titull duket e gjatë.
Në anën tjetër, Arsenali duket një opsion më i sigurt, pasi atyre u mungon pikërisht një golashënues i fortë për t’i shndërruar në një forcë edhe më të madhe pas dy sezonesh ku kanë qenë shumë afër suksesit./GazetaExpress/
Klubet angleze i vihen pas sulmuesit të PSG-së / shkruan Gazeta Online Reporteri.net.
