Ish-ylli i Manchester United dhe përfaqësueses së Skocisë, Darren Fletcher, ka çdo arsye për të qenë një baba krenar, pasi binjakët e tij 18-vjeçarë, Jack dhe Tyler, kanë mbajtur shiritin e kapitenit për kombëtaret përkatëse gjatë ndeshjeve të fundit të skuadrave kombëtare.
Darren, 41 vjeç, ka luajtur 80 ndeshje për Skocinë dhe ka qenë kapiten në 16 prej tyre. Fillimisht, të dy djemtë e tij zgjodhën të përfaqësonin Anglinë në nivelin e të rinjve, por Tyler vendosi të ndjekë gjurmët e të atit dhe në tetor 2023 u rikthye për të përfaqësuar Skocinë.
Ky vendim bëri që të dy binjakët të ishin kapitenë të ekipeve të ndryshme kombëtare.
Më 22 mars, Tyler mbajti shiritin e kapitenit për ekipin U-19 të Skocisë në një ndeshje kundër Polonisë, e cila përfundoi me humbje 4-1. Ndërkohë, Jack ishte kapiteni i Anglisë U-18 më 20 mars, në barazimin 2-2 kundër Çekisë.
Vetëm pak ditë para këtyre ndeshjeve, Jack kishte shkëlqyer për ekipin U-21 të Manchester United duke shënuar dy gola në një fitore 5-1 ndaj West Brom. Të dy golat u asistuan nga Tyler.
Të dy djemtë janë produkt i akademisë së Manchester City, por u “rrëmbyen” nga Manchester United dhe premtojnë shumë për të ardhmen.
Binjakët që janë kapitenë të dy kombëtareve të ndryshme / shkruan Gazeta Online Reporteri.net.
