Bayer Leverkusen e ka fituar për herë të parë në histori të klubit titullin në Bundesliga, pas fitores 5:0 ndaj Werder Bremenit.
Skuadra e Xabi Alonsos që s’di për humbje këtë sezon, edhe matematikisht është kampioni i Gjermanisë duke e mbyllur ecurinë mahnitëse të Bayern Munichut, që e kishte fituar titullin për 10 vite radhazi.
Leverkusen bëri një tjetër paraqitje solide duke e dominuar Bremenin në të gjitha aspektet, për të shënuar fitore me rezultat të thellë 5:0.
Golat për vendasit i shënuan Victor Bonifac (25’), Granit Xhaka (60’), kurse ylli i skuadrës Florian Wirtz shënoi het-trik (68′, 83′, 90′) për 5-0.
Leverkusen ka 79 pikë, plot 16 mbi Bayern Munichun ndërsa kanë mbetur vetëm edhe pesë xhiro për t’u zhvilluar deri në fund.
Bayer Leverkusen i Granit Xhakës kampion i Gjermanisë për herë të parë në histori / shkruan Gazeta Online Reporteri.net.
