minibus hire Leeds cheap diesel near me uk web hosting online local minibus hire Mot History Check struga Lajm MOT check cloud hosting mortgage calculator online store Local minibus Hire Cheap Fuel Prices
Tarifa shëndetësore për turistët, Sala: Për herë të parë kemi një kuadër për regjistrimin dhe trajtimin e të huajve - Shqiperia.info

Për herë të parë vendosen rregulla të qarta për ofrimin e shërbimeve shëndetësore ndaj turistëve të huaj, në qendrat verore të shpërndara në të gjithë Shqipërinë, me tarifa të publikuara paraprakisht.

Këtë e bëri të ditur ministrja e Shëndetësisë, Evis Sala, gjatë inspektimit në Qendrën Shëndetësore Verore të Pogradecit.

“Ky urdhër vendos për herë të parë një kuadër të unifikuar për regjistrimin, trajtimin, tarifimin dhe dokumentimin e shërbimeve shëndetësore të ofruara për shtetasit e huaj në institucionet shëndetësore publike”, ministrja e Shëndetësisë, Evis Sala.

Sipas kuadrit të ri, përcaktohen rastet kur turistët përfitojnë shërbime falas, tarifat për shtetasit jo-rezidentë, si dhe informimi i pacientit mbi kostot e trajtimit dhe lëshimin e dokumentacionit financiar përkatës.

Ministrja Sala sqaroi se të ardhurat e gjeneruara nga tarifat do të përdoren për përmirësimin e shërbimeve shëndetësore publike.

Që nga fillimi i sezonit veror 2026, në të gjitha qendrat shëndetësore verore janë trajtuar 4,940 pacientë, ndërsa diagnozat më të shpeshta kanë qenë hipertensioni arterial, alergjitë dhe virozat e stinës.

Aktualisht, në të gjithë vendin funksionojnë 36 qendra të tilla me 301 mjekë dhe infermierë.

/vizionplus.tv

Share.
Exit mobile version