Një lokal dhe dy garazhe janë përfshirë në Nartë, Vlorë. Dyshohet se shkak është bërë një shkëndije elektrike.
Në garazh ndodheshin të parkuara 1 automjet dhe 2 motora.
“Sot, në Nartë, dyshohet se për shkak të një shkëndije elektrike ka rënë zjarr dhe është djegur një lokal me pronare shtetasen B. X., ku janë shkaktuar dëme materiale. Si pasojë e përhapjes së këtij zjarri janë djegur edhe dy garazhe në pronësi të shtetasit Ll. M., ku ndodheshin të parkuara 1 automjet dhe 2 motorra”, thuhet në njoftim.
Grupi hetimor po punon për zbardhjen e rrethanave të rastit dhe për përcaktimin e shkakut të rënies së zjarrit i cili paraprakisht dyshohet aksidental./vizionplus.tv
