Pas studimeve të shumta që zbuluan se ushqimi i skuqur shkakton obezitet dhe probleme të tjera të shumta fizike, kërkimet e reja kanë vendosur një lidhje midis konsumit të ushqimit të skuqur dhe mbi të gjitha patateve, me një rrezik më të lartë të ankthit dhe depresionit, shkruan CNN.
Një ekip hulumtues nga Hangzhou, Kinë, ka zbuluar se konsumimi i shpeshtë i ushqimeve të skuqura, veçanërisht patateve të skuqura, lidhet me një rrezik 12 për qind më të lartë të ankthit dhe një rrezik prej 7 për qind më të lartë të depresionit sesa njerëzit që nuk i konsumojnë këto ushqime të skuqura. Kjo lidhje është më e theksuar mes të rinjve dhe konsumatorëve më të rinj.
Ushqimi i skuqur është një faktor i njohur rreziku për obezitetin, presionin e lartë të gjakut dhe pasoja të tjera shëndetësore. Këto rezultate “i hapin rrugën rëndësisë së shëndetit mendor të reduktimit të konsumit të ushqimit të skuqur”, sipas një artikulli të botuar të hënën në revistën PNAS.
Sidoqoftë, ekspertët që e studiojnë dietën thanë se rezultatet janë preliminare dhe nuk është domosdoshmërisht e qartë nëse ushqimet e skuqura shkaktojnë probleme të shëndetit mendor ose nëse njerëzit me simptoma depresioni ose ankthi kanë kaluar në ushqime të skuqura.
Studimi ka përfshirë 140,728 njerëz përgjatë 11 viteve. Pas përjashtimit të pjesëmarrësve të diagnostikuar me depresion në dy vitet e para, gjithsej 8,294 raste ankthi dhe 12,735 raste depresioni u gjetën në mesin e atyre që konsumuan ushqime të skuqura, ndërsa patatet e skuqura në veçanti u zbuluan se kishin një rrezik 2 për qind më të lartë të depresionit në krahasim me mishin e bardhë të skuqur.
Studimi zbuloi gjithashtu se pjesëmarrësit që kishin konsumuar rregullisht më shumë se një porcion ushqimi të skuqur prireshin të ishin burra më të rinj.
“Përbërësi njerëzor i këtij studimi mund të tregojë saktësisht se çfarë nënkupton: se konsumimi më i lartë e ushqimeve të skuqura rrit rrezikun e ankthit/depresivit”, thotë Dr. David Katz, specialist i mjekësisë së stilit të jetesës, i cili nuk ishte i përfshirë në studim.
“Sidoqoftë, rruga shkakësore mund të shkojë në drejtim të kundërt: njerëzit me ankth/depresioni po u kthehen gjithnjë e më shumë “ushqimeve të rehatshme” për njëfarë lehtësimi”, shtoi Katz, themelues i True Health Initiative (Iniciativës së Shëndetit të Vërtetë).
Ata me simptoma bazike të ankthit dhe depresionit mund t’i kthehen ushqimeve të rehatshme si një mënyrë vetë-mjekimi, thotë ai. Ushqimi i padëshiruar dhe ushqimi i dobët mund të ndikojnë negativisht në humor dhe ta përkeqësojnë gjendjen, siç është gjetur në studimimin e lartcekur.
