Astrologia Meri Gjini ka bërë parashikimin e kësaj javë për çdo shenjë të Horoskopit, në studion e “7pa5” në Vizion Plus.
Në veçanti për Peshqit, kjo javë do të jetë e fokusuar te dashuria, por kujdes duhet treguar edhe në çështje të tjera.
“Duke qenë që Venusi me Saturnin, bëjnë ta merrni dashurinë me seriozisht se ç’duhet ose minimalisht e shprehni një ndjesi të tillë. Pjesa më e madhe e Peshqve, për ata që janë në raport, do të merren me një çështje serioze të raporteve të tyre emocionale. Sa i përket atyre që janë beqarë, duket sikur Universi, nisur që nga dita e sotme do të shtojë jashtëzakonisht shumë mundësinë për të dalë në skenë ai me të cilin mund të flirtojnë qartazi. Kujdes me mënyrën e të ushqyerit dhe më çështje që ju i dini në lidhje me problematikat e trupit apo emocionit”, tha Meri Gjini. /vizionplus.tv
