uket se problemet me cilësinë e gjumit kanë më shumë lidhje me gratë se sa me burrat, kjo sipas studimeve që kanë bërë së fundmi ekspertët. Gratë bëjnë gjumë të dobët, kanë probleme me pagjumësinë, ndërsa burrat përjetojnë më shumë apnenë e gjumit, kjo sipas një studimi të botuar në revistën, “Sleep Medicine Reviews”.
Cilësia e gjumit që dallon nga gjinia është një element që është marrë në studim ndër vite, duke përfshirë ritmet cirkadiane. Burrat kanë tendencë të prodhojnë melatoninë më vonë në mbrëmje dhe për këtë arsye ata zgjedhin të rrinë më vonë zgjuar se gratë.
Studimet tregojnë se gratë kanë 1.5 herë më shumë shanse të përjetojnë pagjumësi, për të cilën studiuesit mendojnë se ka lidhje me mundësinë më të lartë të prekjes nga ankthi dhe depresioni te gratë.
“Ka shumë lidhje mes çrregullimeve psikiatrike dhe pagjumësinë,” shpjegon Eric Sklar, drejtor i Programit të Çrregullimeve të Gjumit në Virxhinian Veriore. Gratë, nisur edhe nga angazhimet që kanë në familje, fëmijët, puna apo edhe aktivitete të tjera, kjo bën që të jenë më të “ngujuara” kur vjen puna te mbyllja e ditës dhe rënia në gjumë.
Megjithatë, gratë dalin përpara burrave në disa aspekte të tjera. Ato shpenzojnë më shumë kohë në shtrat duke fjetur, një matje kjo e quajtur efikasiteti i gjumit.
Çrregullimi i gjumit është më i zakonshëm te burrat
Pavarësisht se gratë kanë “flamurin e fitores” në disa aspekte kur vjen puna te problemet e gjumit, burrat janë ata që luftojnë me apnenë. Ky çrregullim i gjumit është tre herë më i zakonshëm te burrat se sa te gratë. Kjo lidhet me madhësinë e qafës thonë studiuesit.
“Burrat priren të kenë qafë më të madhe dhe madhësia e qafës është gjithashtu një faktor rreziku për çrregullimet dhe apnenë e gjumit,” përfundon mjeku Sklar.
