Sipas Eurostatit, jemi të fundit në Evropë për sa i përket pagës minimale, pra të fundit për sa i përket fuqisë blerëse. Sot kemi inflacion prej 3.3%, i cili po shkatërron pagat, standardet, rritjen…, thotë ish-ambasadori dhe ish-kryetari i Shkupit, Andrej Zhernovski, në lidhje me deklaratën e djeshme të kryeministrit Hristijan Mickoski se vendi ynë është një nga ekonomitë me rritjen më të shpejtë në Evropë me rritjen e katërt më të lartë ekonomike të BPV-së.
Zhernovski nuk pajtohet me Mickoskin, duke theksuar se jeta në Maqedoni është e padurueshme dhe njerëzit kanë gjithnjë e më pak para.
“Masat e qeverisë për t’u përballur me çmimet e larta nuk kanë dhënë fryte, prandaj ndoshta nuk ka masa. Pas të gjitha këtyre, Kryeministri del dhe ju thotë se jemi bërë tigri i ri ekonomik evropian… kështu që ju pyesni veten “ku jeton ky njeri?!”, thekson Zhernovski.
Mbrëmë nga Manastiri, kryeministri Mickoski i siguroi qytetarët se rritja ekonomike do të ndihet në të ardhmen./Telegrafi/
Zhernovski, Mickoskit: Sipas Eurostatit, jemi të fundit në Evropë për sa i përket pagës minimale appeared first on Telegrafi.