“Muaji tetor, i njohur si muaji rozë, është më shumë se një fushatë ndërgjegjësimi, është një thirrje për veprim, për kujdes dhe për dashuri ndaj jetës. Në këtë frymë, Forumi i Gruas VLEN gjatë ketij muaji kanë zhvilluar aktivitete sensibilizuese në disa komuna të vendit, me qëllim që të promovojnë rëndësinë e kontrollit të rregullt dhe mbështetjes së grave që përballen me këtë sëmundje.
Gjatë javës në një organizim nga Forumi i Gruas VLEN në bashkëpunim me Departamentin e Kulturës, përmes artit, fjalës dhe ndjeshmërisë, u dërgua një mesazh që prek çdo zemër: Asnjë grua që lufton kancerin e gjirit nuk është vetëm.VLEN beson se heshtja nuk është zgjidhje”, kështu njoftuan nga koalicioni VLEN.
Përmes këtyre aktiviteteve, nga VLEN thonë se informimi shpëton jetë.
“Kontrolli i rregullt shpëton jetë. Solidariteti shpëton jetë.Për këtë arsye, përmes aktiviteteve simbolike, forumeve të diskutimit dhe performancave artistike, ky muaj po shëndrohet në një hapësirë reflektimi, mbështetjeje dhe humanizmi. Me këtë rast, VLEN falënderon të gjitha gratë që ndajnë historitë e tyre me guxim, mjekët e përkushtuar, aktivistet dhe qytetarët që u bashkuan në këtë mision jetik. Sepse forca e shoqërisë matet me kujdesin që ajo tregon ndaj më të ndjeshmëve. VLEN, bashkë për jetë, bashkë për shpresë”, thonë nga VLEN.
