Maqedonia dje (16 mars) përjetoi një ndër ngjarjet më të rënda në historinë e saj. 59 persona të vdekur dhe mbi 130 të lënduar nga zjarri që kaploi një diskotekë të improvizuar në Koçani, përcjell Telegrafi Maqedoni.
Lista e fatkeqësive më të mëdha në historinë më të re të Maqedonisë së Veriut, bazuar në numrin e viktimave, është si më poshtë:
22 nëntor 1993 – Rrëzimi i avionit “Avioimpeks” – 115 viktima
Afër aeroportit në Ohër ka ndodhur aksidenti i dytë për atë vit. Aeroplani i udhëtarëve i tipit ”Jak-42D” i kompanisë AvioImpeks është rrëzuar pas një defekti në motor dhe ka shkaktuar vdekjen e 115 personave, transmeton Telegrafi Maqedoni. Një grua ka shpëtuar. Ky aeroplan ka udhëtuar nga Gjeneva për në Shkup ku duhej edhe të ateronte.
5 mars 1993 – Rrëzimi i avionit “Paler Maqedoni” – 86 viktima
Gjatë aterimit të aeroplanit ‘Foker 100’ i kompanisë Paler nga Maqedoni me 97 persona kanë vdekur 86 udhëtarë.
16 mars, 2025 – Zjarri në diskotekën në Koçan – 59 viktima
Në diskotekën e quajtur “Puls” nga 500 të pranishëm mbi 130 janë lënduar dhe 59 kanë mbetur të vdekur.
23 nëntor, 2021 – Aksidenti i autobusit në Bullgari – 45 viktima
Nga Stambolli në Maqedoni u nis autobusi i kompanisë Besa Trans dhe nuk arriti me katër autobusët e nisur, pasi njëri u aksidentua dhe la të vdekur 45 persona dhe 7 të lënduar.
6 gusht, 2016 – Vërshimet në Shkup (2015) – 22 viktima
Ministria e Punëve të Brendshme e Maqedonisë ka konfirmuar se regjistruar 22 viktima nga vërshimet në Shkup dhe rrethinë.
13 shkurt, 2019 – Aksidenti i autobusit në Llaskarcë – 16 viktima
Autobusi i DurmoTours i nisur nga Shkupi dhe i mbushur me të punësuar në administratë dhe me studentë asnjëherë nuk arriti në destinacion në Gostivar. Mbetën të vdekur 16 viktima dhe 35 të lënduar.
5 shtator 2009 – Fundosja e anijes “Ilinden” – 15 viktima
Anija e vogël me 57 turistë në të lundronte në ujin e Liqenit të Ohrit dhe pas një defekti fundoset, duke lënë 15 viktima
8 shtator 2021 – Zjarri në Spitalin e Tetovës – 14 viktima
Zjarri në spitalin modular në Tetovë ndodhi më 8 shtator 2021. Ky ishte një incident tragjik, ku humbën jetën 14 pacientë që ishin duke u trajtuar për COVID-19.
22 tetor, 1951 – Rrëzimi i avionit “JAT” – 12 viktima
Fatkeqësia e radhës për nga numri i viktimave është e datës 22.10.1951, kur aeroplan i JAT që ka fluturuar prej Beogradi u rrëzua në aeroportin e Shkupit, me ç’rast jetën e humbën 12 persona.
12 janar, 2008 – Rrëzimi i helikopterit të ARM-së – 11 viktima
Një prej fatkeqësive më tragjike ajrore është ajo në Katllanovë, kur më 12.01.2008, helikopter i ARM-së u rrëzua në lokalitetin Bllaca e Katllanovës. Me këtë rast kanë vdekur 11 pjesëtarë të ekuipazhit dhe
26 shkurt, 2004 – Rrëzimi i avionit qeveritar “Kinger” – 9 viktima
Aksident ajror ku ka vdekur edhe ish-kryetari i Maqedonisë, Boris Trajkovski së bashku me gjashtë bashkëpunëtor të tij dhe dy pilotë të aeroplanit qeveritar ‘Kinger’. Ngjarja ka ndodhur më 26 shkurt, 2004 në afërsi të Mostarit.
24 qershor 1992 – Rrëzimi i avionit “Antonov” – 8 viktima
Një aeroplan i tipit Antonov 12 BK i prodhuar nga Volga i Dnepar Airlines është rrëzuar në një vend 26 kilometër afër Shkupit. Para rrëzimit aeroplani është aksidentuar me majen e malit në Lisec të Tetovës, transmeton Telegrafi Maqedoni. Nga kjo fatkeqësi kanë vdekur tetë njerëz.
3 gusht, 2015 – Vërshimet në Tetovë (2015) – 6 viktima
Dy të mitur dhe katër të rritur nga Shipkovica e Tetovës ka qenë bilanci i vdekjeve nga vërshimet që përfshinë disa fshatra në Tetovë.
Fatkeqësia më e madhe në Maqedoninë e Veriut ka qenë tërmeti në Shkup në vitin 1963, ku humbën jetën 1.100 njerëz. /Telegrafi/
Tragjeditë e Maqedonisë me numra, shumë dhimbje për një shtet kaq të vogël appeared first on Telegrafi.