Në një ngjarje të organizuar nga Fondacioni Konrad Adenauer dhe Lëvizja Evropiane në Republikën e Maqedonisë së Veriut për të shënuar Ditën e Evropës më 9 Maj, Presidentja Gordana Siljanovska-Davkova shprehu bindjen e thellë se Maqedonia e Veriut duhet të trajtohet si një shtet evropian. Sipas saj, ky trajtim duhet të reflektohet në sundimin e ligjit, në një gjyqësor të pavarur dhe në një administratë eksperte.
Duke iu përgjigjur pyetjeve të gazetarëve për takimin e saj në Romë me homologun italian, Siljanovska-Davkova sqaroi se diskutimet me Presidentin Sergio Mattarella përfshinë çështjet e garantive nga BE-ja, duke u fokusuar veçanërisht në rrezikun e veto-së bullgare që mund të lërë hapësirë për kritere të Kopenhagës, por jo për çështje që prekin identitetin dhe historinë. Ajo theksoi se BE-ja duhet të mbështesë diversitetin dhe të respektojë integritetin e çdo anëtari të saj.
“Është e vërtetë që Marrëveshja e Prespës është pjesë e Kornizës Negociatore, por nuk mendoj se është në frymën e zhvillimit të marrëdhënieve miqësore. Ndoshta duhet të shohim diplomacinë kulturore. Mendoj se edhe ne duhet të përpiqemi të sillemi ndryshe me fqinjët tanë në një frymë miqësore. Të bëhemi edhe pak “skandinav””, tha ajo.
Siljanovska Davkova: Të sillemi si “skandinavët” me fqinjët tanë appeared first on Telegrafi.
