Edhe zyrtarisht, deputetët e VLEN-it kanë formuar Grup parlamentar pa 5 deputetët e ASH-së së Arben Taravarit. Në njoftimin e sotëm zyrtar drejtuar kryetarit të Parlamentit, Bekim Qoku – koordinator i Grupit parlamentar të VLEN-it e njofton Afrim Gashin se ky grup ka vetëm 9 deputetë.
Njoftimi i plotë i Grupit parlamentar të VLEN-it:
Në lidhje me pyetjet për ndryshimet në përbërjen e grupeve parlamentare, ju informojmë se në pajtim me nenin 34, paragrafi 9 të Rregullores së Kuvendit të Republikës së Maqedonisë së Veriut, Kryetari i Kuvendit Afrim Gashi, sot është njoftuar zyrtarisht për ndryshimet në përbërjen dhe strukturën udhëheqëse të Grupit të deputetëve të VLEN-it.
Sipas njoftimit:
Koordinator i Grupit të deputetëve të VLEN-it është emëruar deputeti Bekim Qoku.
Zëvendëskoordinatorë janë deputetët Merita Kollçi Koxhaxhiku dhe Adnan Azizi.
Ndërsa përbërja aktuale e Grupit të deputetëve të VLEN-it është si vijon:
1. Afrim Gashi
2. Adnan Azizi
3. Bekim Qoku
4. Kaltrina Beqiri
5. Imërlije Saliu
6. Saranda Imeri
7. Feride Haxhiu
8. Merita Kollçi Koxhaxhiku
9. Bekim Sali
Qoku emërohet koordinator i grupit parlamentar, VLEN mbetet me 9 deputetë appeared first on Telegrafi.